တနင်္သာရီတိုင်း၊ သရက်ချောင်းမြို့နယ်၊ ဝင်းဝရဲစခန်းမှ ရဲတပ်သား ၁ ဦး G-3 သေနတ် ယူဆောင်လာပြီး အလင်းဝင် လာသောကြောင့် ဆုငွေ ၃၅ သိန်း ချီးမြှင့်ခဲ့ကြောင်း ပုတီးတစ်လုံးပြောက်ကျားတပ်ဖွဲ့ထံမှ သိရသည်။
ဒီဇင်ဘာလ ၁၂ ရက်နေ့တွင် သရက်ချောင်းမြို့နယ်၊ ဝင်းဝရဲစခန်းမှ ရဲတပ်သား ၁ ဦးသည် G3 ရိုင်ဖယ် သေနတ် တစ်လက်၊ ကျည်အိမ် ၄ ခု၊ ကျည်ဆံ အတောင့် ၂၀၀ နှင့်အတူ ပြည်သူ့ရင်ခွင်ထံ ခိုလှုံခဲ့ခြင်း ဖြစ်ပြီး နွေးထွေးစွာကြိုဆိုကာ ဆုငွေ ၃၅ သိန်းချီးမြှင့်ပေးခဲ့ကြောင်း သိရသည်။
သရက်ချောင်းမြို့နယ်အတွင်းရှိ စစ်ကောင်စီလက်အောက်ခံ ရဲ၊ စစ်သားများအနေဖြင့် ပြည်သူ့ရင်ခွင် ထံအမြန်ဆုံး ခိုလှုံ ဝင်ရောက်ကြရန် ပုတီးတစ်လုံးပြောက်ကျားတပ်ဖွဲ့က ထုတ်ပြန်ထားသည်။
